【東海奇洞】吊鐘洲 - pix soul

【東海奇洞】吊鐘洲

撰文:Jowy   📅2019-09-20   Pixsoul 出發隊員: Jowy & So & Max

吊鐘洲最正既地方一定係吊鐘洞。 佢係吊鐘洲南面既一個斷岩,即係個石山邊緣斷開左一截。
而斷岩仲有一個好大既海蝕洞吊鐘洞,係東海四大奇洞之一﹐ 最大特點係佢既位置,剛好圍住一個小石灘,石灘同吊鐘洞之間形成一個小內灣。呢個奇景原來香港都有。


地區:西貢海

特點:吊鐘洞,東海四大奇洞之一

景色:9/10

難度:5/10 (山上落吊鐘洞的部份陡斜,需手腳並用)

危險:4/10 (同上)

抵達方法:租船前往


吊鐘洲一開始既路段比較輕鬆 :)

o係上面俯瞰,睇埋金魚擺尾 香港四大自然奇景之「東海穿洞」 之 東海四大名洞之一。GET!!

吊鐘洞比想像中難去,因為大浪唔可以喺吊鐘洞附近既岸邊上,所以要喺西邊既海灘上岸,行山過去。路程唔遠,只係落吊鐘洞既路好斜❗,要手腳並用,我地o個日仲落雨,D石濕左。 有睇我地story既都知道Maz望到個崖位時有幾High!!

經常話行山時所謂既技術,其實就係有幾快可以搵到好既落腳點,所以行山絕對有助訓練判斷力。 #揾出路係要有判斷力

吊鐘洲既海蝕洞-從崖頂望落去就係金魚擺尾;由崖底石灘望就見到吊鐘洞。今次有埋Charlie一齊拍片,可以有多D角度比大家睇。睇黎真係要搵個拍片專員

其實簡簡單單,已經足夠~

【簡。活】
我地既風格比較休閒,每個靚位會安排較多既時間。 除左有時間影相,其實只要比少少時間細味下~你會發現更多有趣的。 傾下計,食下野,搵野玩下 時間變得真實了。