富國島美食篇 - pix soul

富國島美食篇

富國島地方雖小,不過都有齊越南既美食,好味又抵,想知小編推介咩富國島美食?快d黎睇下啦!

1)海鮮 Hải sản

富國島被海包圍,所以不乏海鮮,且格價比較平,大家可以係夜市或海鮮餐廳試下。

我地今次試左小魷魚、海蝦、海魚、龍蝦、貝殼類(不知名~哈哈),都幾鮮甜美味。

2)富國島燒雞 Gà nướng

係富國島路邊會見到好多炭燒雞檔,有一兩檔仲有生雞賣,大家千奇唔好買錯呀~生雞比燒好既雞平一大截嫁。

店員先係雞上擦上香汁(根據傳統既越南燒雞會有香茅草、香菜、辣椒、花椒葉、醬油等),之後放係炭上燒。

燒既期間仲要不停轉動,令醬油上色均匀,底面都平均受熱,冇咁易燒焦。 燒好左既雞色澤金紅,外脆內嫩。 一啖青瓜,一啖雞,好有地道既感覺,Jowy推介,必屬佳品~哈哈

3)越式烤肉沾湯配米線 Bún chả

奧巴馬(Obama) 2016年拜訪越南既時候,著名旅遊美食家Anthony Bourdain都係帶佢去吃Bún chả(越式烤肉沾湯配米線),所以係必試美食。

Bún chả基本上有3樣野:

-乾既米線(bún)

-有烤肉既特製湯

-生菜 (萵苣、羅勒、紫蘇、水芙蓉、豆芽、寬葉香薷等)

Sophia覺得炸春捲都係必備配菜之一,勁香口。

細心既舖頭仲會將一大團既米線剪開一小份,方便大家將米線夾入湯內加上烤肉黎食。 湯一般用魚露、檸檬汁、蒜頭同埋辣椒等調味,將烤肉的鮮味完全帶出黎;加埋生菜真係點食都唔膩。

另外帶湯既米粉都係富國島常見既食物,可以一試。

4)越南粉 Phở(牛肉粉Phở bò 雞肉粉Phở gà)

越南粉被視為係越南菜既代表,黎到富國島當然要一試啦。 我地好好彩住既酒店早餐都有越南粉,可以朝朝都食一碗~好滿足呀!! 

越南粉既湯底主要用牛骨同洋蔥餚製,加上芽菜、新鮮香葉、紅椒、青檸汁、魚露同埋雞絲或牛肉,酸酸甜甜,好開胃呀。

我地仲試左夜市附近既河內越南粉,原來越南北部既粉會比較粗,食起黎有粿既感覺,有點厚實。

5)越南法包 Bánh mì

法包係由法國殖民時期傳入越南,之後越南人將法包切開加入自己鍾意既食材同醬料;並係製作麵包時加入米粉,令法包變得比較鬆軟而又保持脆既外皮,冇傳統法包咁乾硬。而家既越南法包一般可以選擇加入肉片、肉丸、魚餅、雞蛋或者海鮮。

Sophia超推介魚餅法包!!店員會將魚餅煎左之後,加上蘿蔔絲醃菜、青瓜、芫荽、辣椒一齊放入 塗左豬肝醬同秘制既越南醬汁法包,真係香味撲鼻。

6)米紙 Bánh Trang

米紙係越南人既小食,我地見到咁多小學生都買,於是又忍唔住試下。店員會將米紙撕成一條條,加入紅白蘿蔔絲醃菜,辣椒同辛香料就食得嫁啦。Sophia覺得都幾辣;個質感就好有趣,好似食緊透明膠咁呀~哈哈哈

富國島酒店推介

-The Shells Resort & Spa Phu Quoc:點我查看Booking.com房間

-Premier Village Phu Quoc Resort:點我查看Booking.com房間


更多PixsoulHK的文章......

富國島工展會?!

富國島輕鬆遊

富國島攻略

石垣島深度激玩之旅