【日本最後的秘境小島】西表島 - pix soul

【日本最後的秘境小島】西表島

撰文:So 📅2019-08-21 Pixsoul出發隊員: Jowy, So

西表島是僅次於沖繩島的第二大島,島上擁豐富有的生態資源;除了珊瑚礁、森林、紅樹林外,還有很多瀕臨絕種的生物在此棲息,因此被喻為東洋的亞馬遜。另外由於西表島比較偏僻,沒有遭受太多人為破壞,依然保持著原始風貌,所以亦被稱為「日本最後的秘境小島」。

由石垣島坐船去西表島大概40-60分鐘,大家可以睇家船開航時間來安排行程。 我地係搭安榮既船 http://www.aneikankou.co.jp
西表島一共有兩個港口,分別是大原港同上原港,由於上原港果邊有較新既酒店﹑較多餐廳同埋都有租車服務,所以我地揀左係上原港落船,然後大原港上船去波照間島。

我地係西表島住左2日1夜,發現真係有好多有適合Pixsoul小隊去探險既地方,以下係一D西表島既亮點:

1. Barasu島

BARASU島既人氣愈黎愈強,係隨著潮汐而出現既白色珊瑚沙洲,有如馬爾代夫般清晰既玻璃水。BARASU島四周只見海,屬於無人島,位於西表島與鳩間島之間,大家可以參加當地tour去,坐船大概15分鐘。

2. 浮潛看珊瑚/海龜

BARASU島附近仲有海龜熱點,大家可以參加BARASU島連浮潛tour,運氣好仲可以近距離觀察海龜食野同游水。提提大家係呢個熱點浮潛時十分近珊瑚礁,有時只有幾CM距離,建議大家著長袖泳衫褲,防止被珊瑚礁刮到。

3. 星砂之濱

西表島同竹富島都有星砂之濱,大家伸手就可以摸到星星啦~其實「星砂」並唔係指星星沙粒,而係孔蟲之殼。孔蟲一般居於係海底既海草中,當孔蟲死左之後就會留低外殼,然後被沖上海灘。久而久之海灘佈滿大量星星形狀既孔蟲外殼,便成為了「星砂之濱」。不過我地冇影到d星砂,因為佢既日落更加吸引。

4. 行澗觀瀑

西表島上有很多探險tour,有機會黎到西表島既話就千萬唔好錯過呀。我地今次去左行澗觀瀑﹑穿洞跳潭,最高一跳有4米高,Jowy挑戰成功,十分刺激。途中仲見到小蜥蝪同小野龜,真係保留左原始風貌。

5. 獨木舟

西表島既活動真係好多樣化,除左行澗觀瀑,大家仲可以撐獨木舟,大人小朋友都啱玩。大家可以選擇係紅樹林中間穿梭,或者撐去無人小島,感受大自然既寧靜。不過由於時間關係,我地今次冇撐到獨木舟,下次再去啦~

6. 觀星

西表島係日本最初被國際黑暗協會認定為星空保護區,夜間外出真係伸手不見五指,記得帶備電筒。據說夏秋季去就有機會睇到美麗既銀河,我地6月頭去既時候真係環觀天空全部都係星星,超級壯觀!!

7. 菠蘿

上原港附近有間迷你超級市場叫スーパー川満,面積比便利店大少少,建議大家先係石垣島買家零食,不過西表島呢間超市都有d特產賣既。我地試左佢既特產菠蘿,真係好甜好好味呀~