台中美食你都食過了嗎? - pix soul

台中美食你都食過了嗎?

1. 卓仔爌肉飯

原來台灣北、中部叫焢肉飯、爌肉飯;而台灣南部就會叫滷肉飯。 呢間舖頭好受當地市民歡迎,午餐時候仲要排曬隊,因為佢超級平,$20就有一碗飯,一碗湯。不過肉有d硬,飯都落得太多汁,有d咸。

2. 魷魚炒麵

魷魚炒麵係沙茶醬既味道,不錯的,又平又飽肚。

3. 蔗汁

Jowy好鍾意蔗汁,所以每次見到一定會買。天時暑熱,飲一杯蔗汁真係透心涼,又清甜。大家知道邊到有好飲蔗汁記得話我地聽啦~

4. 愛玉

愛玉係由愛玉籽製造出黎,比起啫喱更加Q,加埋碎冰同檸檬汁,真係消暑佳品。由於愛玉本身冇咩味,所以得檸檬汁就有d淡。另外有款酸梅味就更加好味呀~婆婆仲示範愛玉既製造過程,不過我地要上山唔方便拎多d野,諗住落山果時先買愛玉籽自己整。可惜落山果時已經收左舖啦><
落山既時候經過村民既屋企,村民見天已黑,就有友善咁邀請我地一齊食晚飲。台灣人真係好好呀~

5. 地瓜球

地瓜球係夜市熱賣小食之一,圓圓既外皮酥脆香口,入面就煙煙韌韌,令人忍唔住食多幾粒。

6. 肉圓

肉圓係台灣特色街頭小吃,已經有120年歷史嫁啦~半透明既肉圓皮包住豬肉、筍絲等配料,淋上甜同鹹兩種醬汁,再加少少許蒜泥、芫荽,另有風味。

7. 水母吃乳酪

水母吃乳酪係台灣以地窖式環境「乳酪恆溫熟成室」製造出黎,而非加工乳酪,所以口感有別於一般乳酪,有d似雪條,入口即溶。
店員好熱心咁介紹每種產品, 仲有得試食。由於我地人唔多,食唔曬一個大乳酪蛋糕,所以只好買細細個。
店員會貼心提供冰包,保持質素。 價錢有點貴,一個大乳酪蛋糕要港幣$400-500。

8. 柯仔煎

黎到台灣,一定要食柯仔煎。香港既柯仔煎一般都係油炸,比較脆;而台灣就係煎,比較軟同煙韌。重點係呢間柯仔煎加入通菜,帶出雙重口感,讚!!

9. 木瓜牛奶

木瓜牛奶係台灣受歡迎既飲品,每個夜市都會見到佢踪影。啖啖既果內加埋滑滑既牛奶,口感好豐富,好好飲。由於木瓜本身既酵素會分解蛋白質,而產生苦味,所以大家買左就快d飲啦,唔係就會放太耐就會變質啦~

10. 豆乳雞

之前食左幾間鹽酥雞,d肉都嚡歰歰,呢間豆乳雞個樣同鹽酥雞差唔多;不過係醃既時候加左豆乳,雞肉滑嫩多汁,外皮保持脆卜卜,超好食!!