大家都匿左入圓形洞，好似打地鼠咁呀:P
地區：西貢東
特點：六角柱石、防波堤、破邊洲、優質大沙灘
景色：9/10
難度：3/10 (浪茄上落坡幅略大，但距離短)
危險：3/10 (全程石屎路、小心防波堤罅隙、避免靠近六角柱石以防其脫落)
抵達方法： 屬郊野公園禁區，需乘的士 或 隨導賞團於周末及公眾假期進入。
Jowy安全指引：地上所見既六角柱石塊，就係從岩壁脫落而來。岩柱經過萬長年月既風化，我地唔知幾時又跌一舊落黎，建議大家不要靠近，畢竟不是每人都有閃電俠既身手。
東壩除左有六角柱石，防波堤既錨形石同圓形洞都好靚。錨形石之間既罅隙好深，大家要小心﹑注意安全。
由東壩到浪茄條路都鋪左石屎，所以好好行。不過沿路都冇樹遮蔭，大家要做好防曬呀！
我地最鐘意就地取材，見到有人用石頭整左張凳，仲要望海，實為讚嘆!! 我地即刻整多張，等三五知己可以對坐
童年回憶 - 爬樹 <Elaine係平衡高手喎，係樹幹行走輕鬆自如!!>
大家齊心協力，動作做一致呀~哈哈哈 <100分>
如何運用槓桿原理或天然工具將枯枝分成一小節?!
Lok話顏值最高就可以做牛隊長。呢隻帶頭既牛又真係幾有光澤～牛先生:"你影咩影!!!"
Jowy是日三大明句：
月黑風高，當然要玩狼人啦！做狼人要注意：唔可以著風褸，唔係一郁就俾人聽到啦～哈哈
撰文：Jowy & So | Pixsoul 出發隊員: Jowy & So & Eric