屏南石澗，九大石澗之一，係一條好熱門既澗，有山徑接駁澗既上中下游位置，算係平易近人。但如果全程沿澗而上，都有唔少難度位同危險位❗所以屏南既玩法可以好多變。
地區：沙頭角-鹿頸
特點：山徑連接澗道，易去；可深度遊澗，亦可輕鬆浸潭
景色：7/10
抵達方法：粉嶺站56K小巴到南涌，南涌遊樂場位入，沿車路往南涌郊遊徑
#1：【輕鬆浸潭】沿南涌郊遊徑走到石橋落潭
難度：2/10
危險：4/10 (留意天氣、提防山洪)
#2：【下遊入澗】過南涌郊遊徑入口，沿車路走到水壩，壩旁繞山路入澗
難度：5/10
危險：6/10 (提防山洪、濕石上行走、少量攀爬位)
輕鬆玩水可以直接行山到石橋，玩路旁既潭瀑。挑戰探遊可以從下游水壩開始，就可以走到圖中既草裙瀑👗~
Eric扎晒碼咁唔知影緊D咩呢
【食在郊野🍱】通常出親郊外玩都會玩成日，咁就要諗諗午餐食咩🍱。我就比較輕便，通常帶個包、帶d生果🍊就當午餐。生果可以補充糖份同水份🔋，絕對係首選，記得要拎番走D果皮殘渣呀~有D朋友就會食得豐富D﹐見Louisa成日帶糯米雞😎
我地冇贊助商架sosad😂 不過個袋真係好靚所以影下佢
【嘆。山澗😊】行左轉屏南下游之後，再去左次淨玩潭、野餐、影相So話帶呀媽黎都啱😼
【行澗心得1/3】估唔到咁多人睇KC點樣潛落個潭度😂Ara 師兄問有冇片我先post ja😆
大家對行澗有興趣時，必須知道行澗屬高危活動
分享相片同時分享少少心得啦.
行澗最要留意不外乎山洪暴發同跣親跌落街。所謂欺山莫欺水，山澗兩樣都有(詩人mode✒️)
山澗發生既嚴重意外都源自e兩個原因
而每年都有發生😨.所以第一樣就係要留意天氣、提防山洪暴發🌊避免喺大雨、大驟雨、雷暴時落澗
過程中常留意天色、天氣預報山洪暴發前水會變得污濁等等等等...
咁長氣，唔係我黎😹各位富經驗既師兄師姐都分享多D心得呀☺
【行澗心得2/3】行澗一般會沿澗而上，經常會喺濕滑既石頭上行走。不論係澗道、潭、瀑都係好跣ge🐸。所以幾時都要留意落腳點、甚至手腳並用👐。所以我地會著一D包'爭'包趾鞋，以防跣腳會刮損。同時都建議戴手套，其實手套唔係令你可以捉穩D﹐係可以唔怕污糟咁用手去平衡身體😂.影相既時候最容易大意，所以永遠先睇腳位再移動。
【行澗心得3/3】山澗唔似山徑有明顯足跡，引路既絲帶亦較少同難察覺、出入澗位尤其難搵。而行澗既時間比行山長⌚，難預計，所以係好容易迷路同埋偏離預算。諗番頭幾次行澗都係好驚險😂 所以行澗前要做好功課，將路標同出入澗位既說明下載或截圖，經常定位檢視行程進度。入黑時一定要出澗否則GG.
撰文:Jowy | Pixsoul出遊隊員:Jowy, So, Eric