• PixsoulHK

富國島浮潛、跳島一日遊

更新日期:5月 4

Jowy最推薦富國島既活動就係跳島浮潛,因為外島較少污染、水比較清,可以見到唔少色彩豐富既珊瑚、仲可以同魚黎個親密的接觸。

今次參加左富國島:3島全日浮潛之旅,由朝早9點玩到晏晝5點、去3個小島、包南部酒店接駁同埋午餐,仲要冇強迫性購物點,真係物超所值。 佢亦提供其他酒店接駁服務,不過另收附加費,如機場對上既長灘酒店,就大概USD5/人。

出發前,教練會送上一枝1L水,清楚用英文介紹富國島既水域,講解當日行程、注意事項同安全指示,聽唔明英文都有圖可以參考。 船上有浮潛用品同救生衣租賃,大家只要準備好泳衣同毛巾就得啦,十分方便。

我地今次去左May Rut island,Fingerl Island 同 Dam Ngang Island。好鐘意呢排棷樹~增添左度假既氣氛。

玻璃水、珊瑚礁、沙灘、赤岩,淨係呢到都夠玩成日。

呢個天然赤岩好正呀!

富國島既水底雖然唔係頂級,不過愛大自然既人係唔會錯過每一個大自然體驗。

教練好好奇點解人人落曬水 Jowy仲未落;因為要影底靚靚既風景同大家分享。同埋中午暴曬既時候都係放航拍既好時機。雖然後援既維修師傅話電池過20度好易壞,不過工具係要黎用既~哈哈。

午餐時間啦~比想像中多野食,估唔到個tour咁平都有蝦同魷魚,而且味道都唔太差,係d飯硬左d。

船家大概會係第二個島既時候拎出是日海鮮,大家可以自由選擇,一d都唔hard sell,仲可以影相。好可惜當日冇海膽,所以我地就加左港幣1百蚊買左8隻貝殼類(有隻蠔、帶子,其他唔知叫咩名~哈哈)。

唔識游水既朋友亦唔使怕~教練會免費提供船仔去沙灘,大家可以打下韆鞦、影下相。

撰文: So ︳PixsoulHK 隊員: Jowy & So


富國島:3島全日浮潛之旅 https://bit.ly/2WZpaEu

更多文章..

富國島攻略

富國島美食篇

Klook優惠分享

富國島有咩手信?

富國島工展會?!難得一見 旅遊新體驗

日本最南端的最後一個天然樂園 - 玩樂篇

36 次瀏覽

© 2019 by PixsoulHK

  • White Instagram Icon
  • White Facebook Icon