西表島是僅次於沖繩島的第二大島，島上擁豐富有的生態資源；除了珊瑚礁、森林、紅樹林外，還有很多瀕臨絕種的生物在此棲息，因此被喻為東洋的亞馬遜。另外由於西表島比較偏僻，沒有遭受太多人為破壞，依然保持著原始風貌，所以亦被稱為「日本最後的秘境小島」。
由石垣島坐船去西表島大概４０－６０分鐘，大家可以睇開航時間來安排行程。 我地係搭安榮既船 http://www.aneikankou.co.jp 西表島一共有兩個港口，分別是大原港同上原港，由於上原港果邊有較新既酒店﹑較多餐廳同埋都有租車服務，所以我地揀左係上原港落船，然後大原港上船去波照間島。
我地係西表島住左２日１夜，發現真係有好多有適合Pixsoul小隊去探險既地方，以下係一D西表島既亮點:
1. Barasu島
BARASU島既人氣愈黎愈強，係隨著潮汐而出現既白色珊瑚沙洲，有如馬爾代夫般清晰既玻璃水。BARASU島四周只見海，屬於無人島，位於西表島與鳩間島之間，大家可以參加當地tour去，坐船大概１５分鐘。
２. 浮潛看珊瑚/海龜
BARASU島附近仲有海龜熱點，大家可以參加BARASU島連浮潛tour，運氣好仲可以近距離觀察海龜食野同游水。提提大家係呢個熱點浮潛時十分近珊瑚礁，有時只有幾ＣＭ距離，建議大家著長袖泳衫褲，防止被珊瑚礁刮到。
３. 星砂之濱
西表島同竹富島都有星砂之濱，大家伸手就可以摸到星星啦～其實「星砂」並唔係指星星沙粒，而係孔蟲之殼。孔蟲一般居於係海底既海草中，當孔蟲死左之後就會留低外殼，然後被沖上海灘。久而久之海灘佈滿大量星星形狀既孔蟲外殼，便成為了「星砂之濱」。不過我地冇影到d星砂，因為佢既日落更加吸引。
４. 行澗觀瀑
西表島上有很多探險tour，有機會黎到西表島既話就千萬唔好錯過呀。我地今次去左行澗觀瀑﹑穿洞跳潭，最高一跳有４米高，Jowy挑戰成功，十分刺激。
途中仲見到小蜥蝪同小野龜，真係保留左原始風貌。
５. 獨木舟
西表島既活動真係好多樣化，除左行澗觀瀑，大家仲可以撐獨木舟，大人小朋友都啱玩。大家可以選擇係紅樹林中間穿梭，或者撐去無人小島，感受大自然既寧靜。不過由於時間關係，我地今次冇撐到獨木舟，下次再去啦～
６. 觀星
西表島係日本最初被國際黑暗協會認定為星空保護區，夜間外出真係伸手不見五指，記得帶備電筒。
據說夏秋季去就有機會睇到美麗既銀河，我地6月頭去既時候真係環觀天空全部都係星星，超級壯觀!!
７. 菠蘿
上原港附近有間迷你超級市場叫スーパー川満，面積比便利店大少少，建議大家先係石垣島買零食，不過西表島呢間超市都有d特產賣既。我地試左佢既特產菠蘿，真係好甜好好味呀～
撰文: So ︳PixsoulHK 隊員: Jowy & So
一齊黎睇靚景﹑影靚相﹑體驗當地人既生活啦~ Website: https://www.pixsoulhk.com
想知我即時動向 就follow IG story啦 :) Instagram: https://www.instagram.com/pixsoulhk
如果唔想錯過我地嘅post, 可以follow我個page搶先睇嫁 :p Facebook: https://www.facebook.com/pixsoulhk
更多文章..